冇時間學英文點好？

Written By Tiffany Suen

好多同學成日都話冇時間學英文，其實大家都知道冇時間只係藉口，成功嘅人唔會等自己得閒嘅時候先做某啲嘢，而係製造時間。

都市人有邊個唔忙丫，但再忙，都需要增值自己。點樣究竟點樣可以慳住時間學英文，儘快學好學識，達到進步？

貼士一、剪報代替網上閱讀

我習慣將有趣嘅報紙雜誌文章剪出嚟，跟住貼喺廁所當眼位置，依家返屋企冇得揀，一定要洗手洗20秒，就用呢20秒諗番自己前幾日學咗咩字，跟住check番自己記得啱唔啱。

就好似要聽熟一首歌唔可以淨係喺Spotify聽，因為電腦太多distractions，一定要用CD+CD機狂loop。

Photo by Ono Kosuki from Pexels

Photo by Ono Kosuki from Pexels

貼士二、唔好自欺欺人，學一樣野要set deadline，睇完啲野學左就要dump

一本書睇極都睇唔完，其實唔係好事，因為你未必吸收到一篇文章講咩，跟住又自己呃自己自己會繼續睇，睇睇下就會明，根本就自欺欺人。睇完一篇文章（呢篇文章可以係痴喺廁所門口個篇），問下自己有咩得著，盡量逼自己一定要回答到，如果答唔到即係學習冇咩效果。

我屋企啲雜誌，睇完就dump，精華都已經剪曬報，file起；書都係一樣，睇完就轉賣出去或者送畀人，令自己有破釜沈舟嘅學習決心。

Photo by Ono Kosuki from Pexels

Photo by Ono Kosuki from Pexels

貼士三、改善聆聽，多用耳朵，少用眼睛

冇時間學英文咁多aspects，就學好聆聽先，跟住用耳仔學英文，就可以做到一心二用，做緊家務可以multitask學到好多英文。

當你改善咗聆聽，你會變左多咗個媒介學英文，唔係淨係睇，而係聽，變咗時間可以花少咗，但係效果可以強咗。我學啲英文通常都係出街散步、踩車一邊聽podcast學嘅。

貼士四、少用IG一般嘅視覺型平台，多用email等文字性平台

有好多英文我都係透過訂閱外國的英文電郵通訊學嘅，我一邊等lift或者搭lift嘅時候就會delete email，跟住會睇下人地點寫email title同內文，用左咩得意嘅生字。

貼士五、一定要重溫學過嘅野，make time重溫等於慳咗時間

訓覺之前一定要重溫當日學過咩又問一問自己今日學咗咩，同埋我當日見到嘅生字會盡量立刻同同學分享，令我自己更加記得。重溫左之後等於記得實咗，變相慳咗時間。

Tiffany Suen https://finnieslanguagearts.com
Next

輕鬆睇美劇系列-Grey’s Anatomy